„რესპუბლიკური პარტიის“ ერთ-ერთი ლიდერის, ლევან ბერძენიშვილის შეფასებით, თამაზ მეჭიაურისა და „ქართული ოცნების“ გზები გაიყარა. მისივე თქმით, მეჭიაური ცდოლობდა დაპირისპირება ,,ქართულ ოცნებასა“ და ,,რესპუბლიკელებს“ შორის გადაეტანა.
„მიუხედავად მცდელობისა, გადაგვეტანა ეს „რესპუბლიკელებთან“ დაპირისპირებაში, მაინც აღმოჩნდა დაპირისპირება საკუთარ პარტიასთან. ბატონი თამაზის და „ქართული ოცნების“ გზები გაიყარა. ეს ჩვენი პრობლემა არ არის, არც არასოდეს იყო. სამართლიანი იყო პრემიერ-მინისტრის გადაწყვეტილება, თუ იგი იქნება არჩეული ლიდერად, იმ ადამიანებთან ერთად არ იმუშავებს, ვისაც არ ჯერა ჩვენი ევროპული მომავლის და ნატო-სი”, - განაცხადა ლევან ბერძენიშვილმა ჟურნალისტებთან საუბარში.
საპარლამენტო უმრავლესობის წევრი თამაზ მეჭიაური არ გამორიცხავს, რომ ”ქართული ოცნება” დატოვოს. მისი თქმით, გადაწყვეტილებას ყოფილ და მოქმედ პრემიერებთან კონსულტაციების შემდეგ მიიღებს.
