პარლამენტის ადამიანის უფლებათა დაცვის კომიტეტის თავმჯდომარე ელა ბესელია აცხადებს, რომ ჩიორა თაქთაქიშვილის უკონტროლო გახდა.
„მართალი გითხრათ, ჩემთვის მისი ქცევა კომიკური იყო. როგორც კი ჩიორა თაქთაქიშვილმა ჩემი განცხადება მოისმინა მოსამართლეებთან დაკავშირებით, მას ეს არ ესიამოვნა და უკონტროლო გახდა. როცა დეპუტატი რეგლამენტს არ იცავს, სხდომის წამყვანი ვალდებულია, გარკვეული გადაწყვეტილება მიიღოს“, - განაცხადა ეკა ბესელიამ და სხდომის ჩაშლაზე პასუხისმგებლობა ჩიორა თაქთაქიშვილს დააკისრა.
კომიტეტების გაერთიანებულ სხდომაზე, იუსტიციის უმაღლესი საბჭოს საქმიანობის ანგარიშს განიხილვისას, ეკა ბესელია და ჩიორა თაქთაქიშვილი ერთმანეთს დაუპირისპირდნენ.
ოპოზიციონერმა დეპუტატმა კომიტეტების გაერთიანებულ სხდომაზე სასამრთლო რეფორმა გააპროტესტა და განაცხადა, რომ დღევანდელმა ხელისუფლებამ სასამართლო კრიზისში შეიყვანა.
სხდომის წამყვანმა, ეკა ბესელიამ თაქთაქიშვილს რეგლამენტის დაცვა და მიკროფონის გამორთვა მოსთხოვა, რასაც ენმ-ის წევრი არ დაემორჩილა. ბესელიამ თაქთაქიშვილს სხდომათა დარბაზის დატოვება მოსთხოვა და მანდატურებს მიმართა. საბოლოოდ ბესლიამ სხდომის დასრულების გადაწყვეტილება მიიღო და სხდომა შეწყდა.
