ახალგაზრდა იურისტთა ასოციაციის თავმჯდომარე ანა ნაცვლიშვილი მიიჩნევს, რომ დღეს სახელმწიფო უსაფრთხოების სამსახურისა და პარლამენტის შემოწმების დღეა - მათ მნიშვნელოვანი ტესტი უნდა გაიარონ.
ვახტანგ გომელაურის პარლამენტში დღეისთვის დაგეგმილ გამოსვლასთან დაკავშირებით ნაცვლიშვილმა ასევე განაცხადა, რომ სუს-თან დაკავშირებით მთავარი შეკითხვები ფარულ მოსმენებს ეხება.
,,საკონსტიტუციო სასამართლომ გადაწყვეტილება გამოიტანა, რომ მოქმედ სისტემას, კანონით გათვალისწინებულ სისტემას არაკონსტიტუციურად აცხადებს. დღეს არის ორი ორგანოს შემოწმების დღე, ერთი ეს არის სუს-ის ხელმძღვანელი როგორ ანგარიშს წარმოადგენს, მაგრამ მეორეა პარლამენტი როგორ განახორციელებს კონტროლის ფუნქციას, რა კითხვებს დაუსვამს ხელმძღვანელს, როგორ წარიმართება ეს პროცესი, ორივე ორგანომ დღეს ძალიან მნიშვნელოვანი ტესტი უნდა გაიაროს,“- განაცხადა ანა ნაცვლიშვილმა.
