დანიური კომპანია Rosforth & Rosforth-ის ორგანიზებით, კოპენჰაგენში, ქართული ქვევრის ღვინისდეგუსტაცია გაიმართა.
ღონისძიებას ქართული ღვინის კომპანია „ხოხბის ცრემლების" ხელმძღვანელი ჯონ ვურდემანი უძღვებოდა, რომელმაც მოწვეულ სტუმრებს მიაწოდა დეტალური ინფორმაცია ქართული ღვინის ისტორიის, ქართული მეღვინეობის კულტურის, ქვევრის ღვინის დაყენების პროცესის შესახებ დაწარადგინა ქვევრის ღვინის რამდენიმე სახეობა. ღონისძიებაზე, ასევე, სიტყვით გამოვიდა დანიის სამეფოში საქართველოს საელჩოს წარმომადგენელი, რომელმაც სტუმრებს ქართული სუფრის ტრადიცია გააცნო.
გამართულ ღონისძიებაზე სტუმრებს შესაძლებლობა მიეცათ ქართულ ღვინოსთან ერთად, დაეგემოვნებინათ ქართული კერძები.
ქართული ღვინის დაგემოვნებას დანიაში ღვინის თემაზე მომუშავე ჟურნალისტები, რესტორნების მფლობელები, სომელიეები და იმპორტიორები ესწრებოდნენ.
აღსანიშნავია, რომ ქართულმა ღვინომ და სამზარეულომ დანიელი იმპორტიორების, რესტორნების წარმომადგენლებისა და სომელიების მხრიდან დიდი ინტერესი და მოწონება დაიმსახურა. ბევრმა მათგანმა გამოთქვა სურვილი, რომ უფრო მეტი გაიგოს ქართული ღვინის კულტურის, ქართული სამზარეულოსა და მისი ისტორიის შესახებ.
