ბოტანიკურ ბაღთან აუქციონზე გაყიდული ტერიტორია რეკრეაციული თვალსაზრისითაც განვითარდება, - ამის შესახებ დედაქალაქის მერმა ჟურნალისტებთან განაცხადა. დავით ნარმანიას განცხადებით, შინდისი-კრწანისის დამაკავშირებელ გზასთან არსებული 29 ჰექტარი მიწის ნაკვეთის აუქციონზე გაყიდვა
მიზნად ისახავს ეკონომიკური და ტურისტული თვალსაზრისით აღნიშნული ტერიტორიების კიდევ უფრო განვითარებას.
თბილისის ბოტანიკურმა ბაღმა ნახა დამატებითი სარგებელი, რადგან გაცილებით უკეთესი ტერიტორია მიიღო, ვიდრე მის საკუთრებაში იყო. ეს ძალიან მარტივად გაკეთდა წითელი ხაზების კორექტირების ინსტრუმენტის გამოყენებით, კანონმდებლობის სრული დაცვით. ასევე ინვესტორს მიეცა შესაძლებლობა განახორციელოს პროექტი, რომლითაც პირველ რიგში სარგებელს დედაქალაქი ნახავს. გაჩნდება დამატებითი ახალი ობიექტი, დამატებითი ადგილი ტურისტებისთვის და ეს ტერიტორია რეკრეაციული თვალსაზრისითაც განვითარდება, რადგან გამწვანების კომპონენტსაც ითვალისწინებს", - განაცხადა ნარმანიამ.
