,,ბავშვებს აქვთ უფლება, მათი დედები იყვნენ ქალები და მამები - კაცები“, - ამის შესახებ საპარლამენტო უმრავლესობის წევრმა ზვიად ძიძიგურმა ადამიანის უფლებათა დაცვის კომიტეტის სხდომაზე ქორწინების საკითხზე ინიცირებულ საკონსტიტუციო ცვლილებების წარდგენისას განაცხადა.
მან ხაზი გაუსვა, რომ საკონსტიტუციო სასამართლოში წარდგენილია სარჩელი, რომლითაც მოსარჩელე სამოქალაქო კოდექსის იმ მუხლის არაკონსტიტუციურად ცნობას და გაუქმებას ითხოვს, რომლითაც ქორწინება ქალისა და მამაკაცის ერთობაა.
,,მიმაჩნია, ბავშვებს აქვთ უფლება, მათი დედები იყვნენ ქალები და მათი მამები - კაცები. უნდა დავიცვათ ბავშვების უფლებები. მსოფლიოში, სადაც არის შექმნილი პეპლების, ხვლიკების, ჭიანჭველების დაცვის საზოგადოებები, მე ვფიქრობ, რომ უფრო მეტი უნდა ვიფიქროთ ჩვენი შვილების მომავალზე. საქართველოში ეს ჩვენ უნდა გავაკეთოთ და ამიტომ მიმაჩნია, რომ ეს საკონსტიტუციო ჩანაწერი ასეთი მნიშვნელოვანი», - განაცხადა დეპუტატმა.
