ნაციონალური მოძრაობის მოთხოვნას და ბოტანიკური ბაღის 29 ჰექტარის გაყიდვის საკითხს გამოეხმაურა თავისუფალი დემოკრატების თავმჯდომარე ირაკლი ალასანია. მისი თქმით, ეს საქმე ყველა დონეზე უდნა იქნეს განხილული.
"გაუგონარი მასშტაბის უსამართლობა ჩაიდინეს, ადგილობრივმა თბილისის მერიამ და ბიძინა ივანიშვილმა, როდესაც თვალი დაადგეს და პრაქტიკულად მიისაკუთრეს საზოგადოების საკუთრება. საკანონმდებლო დონეზეც და სხვა დონეზეც უნდა იყოს განხილული. ჩვენ აქტიურად ჩავერთვებით პროცესში, რომელიც საზოგადოებრივ მოძრაობას პროტესტს დააფიქსირებინებს. ეს ქვეყანა არავის საკუთარი ეზო არ არის. ეს არის ჩვენი საერთო ქვეყანა, აქედან გამომდინარე ყველამ პატივი უნდა სცეს ხალხის აზრს“ - განაცხადა ალასანიამ.
პარლამენტის ფრაქცია ქართული ოცნების თავმჯდომარის თქმით, მინისტრის პარლამენტში მოსვლა პრობლემა არ არის.
"მინისტრის პარლამენტში მოსვლა არ არის პრობლემა, პრობლემა არის ის, რომ ამას ყველაფერს პოლიტიკური სპეკულაციების კონტექსტში იხილავენ და ნაციონალურ მოძრაობას ეს ახასიათებს“ - აღნიშნა ვოლსკიმ.
