ივანიშვილი იყურება აივანზე და რა ტერიტორიასაც ხედავს, ღობავს, - განაცხადა თბილისის საკრებულოს დამოუკიდებელმა დეპუტატმა, ალეკო ელისაშვილმა რუსთავი 2-თან საუბარში.
“ბიძინა ივანიშვილი იყურება აივანზე და გარშემო რა ტერიტორიასაც ხედავს, ღობავს. ყიდულობს და ღობავს. დანარჩენი სახელმწიფო სტრუქტურები, განსაკუთრებით თბილისის მერი, ხელის ბიჭებივით დარბიან და რაც მას ხუშტურები აქვს, უსრულებენ ყველაფერს. უნდა გაიმართოს საკრებულოში საჯარო სხდომა და თბილისის მერმა ყველა კითხვას გასცეს პასუხი ”, - განაცხადა ელისაშვილმა.
