საქართველოში ოფიციალური ვიზიტით მყოფმა ევროსაბჭოს საპარლამენტო ასამბლეის დელეგაციამ პირველი შეხვედრა საკონსტიტუციო სასამართლოს თავმჯდომარესთან გამართა. გიორგი პაპუაშვილთან საუბარი 45 წუთის განმავლობაში, დახურულ კარს მიღმა მიმდინარეობდა.
“დაინტერესებადი მოვლენები, რაც უკვე კარგა ხნის დაწყებულია, თითქმის ერთი წელიწადია, ის შეტევები, რაც იყო საკონსტიტუციო სასამართლოს წინააღმდეგ მიმართული, დღევანდელი მდგომარეობაა და ბოლოს ეს კანონმდებლობა, რაც თავის დროზე მომზადდა იუსტიციის სამინსიტროს მიერ, რისი მიზანიც იყო საკონსტიტუციო სასამართლოს კომპეტენციების შემცირება, პროცედურული საკითხების ისე გადაკეთება, რომ მისი გადაწყვეტილება ეფექტური არ ყოფილიყო, რომელიც პარლამენტმა ახლა პირველი მოსმენით მიიღო“ - განაცხადა საქართველოს საკონსტიტუციო სასამართლოს თავმჯდომარემ.
