საპარლამენტო უმრავლესობის წევრი გედევან ფოფხაძე მიიჩნევს, რომ ბიძინა ივანიშვილს სურვილის შემთხვევაში, ნებისმიერ აუქციონში მონაწილეობის უფლება აქვს. ამის შესახებ მან ბიძინა ივანიშვილის მიერ ბოტანიკური ბაღის ტერიტორიის შესაძლო შესყიდვასთან დაკავშირებით განაცხადა.
,,თუ ბიძინა ივანიშვილს რომელიმე აუქციონში მონაწილეობის მიღების სურვილი ექნება, ის ისეთივე მოქალაქეა ამ ქვეყნის, როგორც ნებისმიერი ჩვენგანი. მასაც აქვს უფლება, რაღაც იყიდოს, მით უმეტეს, ბიძინა ივანიშვილს ამ ქვეყნისთვის ბევრი აქვს გაცემული. თუ პროცედურებში ვინმე რამე ხარვეზს ხედავს, უნდა დაასაბუთოს”, - აღნიშნა დეპუტატმა.
მიმდინარე კვირას, ბოტანიკური ბაღის ტერიტორიის შესაძლო გასხვისებასთან დაკავშირებით, საპროტესტო აქციები იგეგმება.
