Visa Inc -ის დაკვეთით ჩატარებული კვლევა აჩვენებს, რომ ელექტრონული გადახდების სისტემაზე გადასვლის შედეგად მსოფლიოს 70 ქვეყანაში მთლიანი შიდა პროდუქტის მოცულობა დაახლოებით 300 მილიარდი დოლარით გაიზარდა.
კომპნია Visa Inc-მა „მუდი ანალიტიკსის“ მიერ ჩატარებული კვლევის შედეგები გამოაქვეყნა, რომლის მიხედვითაც ირკვევა, რომ 70 ქვეყანაში 4 წლის (2011-2015წ) განმავლობაში, ელექტრონული გადახდების პროდუქტების (საკრედიტო, სადებიტო და წინასწარი გადახდის ბარათების) მზარდი გამოყენების შედეგად, მთლიანი შიდა პროდუქტი 296 მილიარდი დოლარით, ხოლო სამომხმარებლო პროდუქტების მოხმარების დონე წელიწადში საშუალოდ - 0.18%-ით გაიზარდა.
ამასთან, „მუდის“ ანალიტიკური ცენტრის ეკონომისტების შეფასებით, ელექტრონული გადახდების ზრდის შედეგად, საშუალოდ წლიურად 2.6 მილიონი ახალი სამუშაო ადგილი შეიქმნა. საგულისხმოა, რომ კვლევაში მონაწილე 70 ქვეყანა გლობალური GDP-ის თითქმის 95% შეადგენს.
“ელექტრონული გადახდები მნიშვნელოვანი კონტრიბუტორია ეკონომიკური ზრდისა და დასაქმების ბაზრისთვის, იმ ქვეყნებში, სადაც ელექტრონულ ბარათების მზარდი მოხმარების დონე დაფიქსირდა, ასევე გაიზარდა ეკონომიკური ზრდის ინდექსიც“, - განაცხადა „მუდი ანალიტიკსის“ უფროსმა ეკონომისტმა მარკ ზანდიმ.
აღნიშნული კვლევის დეტალური შედეგები უკვე გამოქვეყნდა რეპორტში “ელექტრონული გადახდების გავლენა ეკონომიკურ ზრდაზე.”
დოკუმენტის მიხედვით, გადახდების ელექტრონიფიკაციამ სარგებელი მოუტანა მთავრობებს და მნიშვნელოვანი წვლილი შეიტანა უფრო სტაბილური და გამჭვირვალე ბიზნეს გარემოს შექმნაში.
იმავდროულად, ელექტრონული გადახდების სისტემამ მინიმუმამდე დაიყვანა ჩრდილოვანი ეკონომიკა. შედეგად, ელექტრონულმა გადახდებმა შექმნა მაღალი საგადასახადო შემოსავლების საფუძველი მთავრობებისთვის. მან ასევე დამატებითი სარგებელი შექმნა მცირებიუჯეტიანი ნაღდი ანგარიშსწორების ხარჯებისთვის, უზრუნველყო გარანტია სავაჭრო სუბიექტებისთვის და მაღალი ფინანსური ჩართულობა მომხმარებლებისთვის.
”კვლევის შედეგები ცხადყოფს ყველა იმ სარგებელს, რაც ელექტრონულ გადახდებს მოაქვს ადგილობრივი ეკონომიკებისთვის მსოფლიოში. ეს კვლევა ასევე ცხადყოფს, რომ სწორ საჯარო პოლიტიკას შეუძლია შექმნას ღია, კონკურენტუნარიანი საგადახდო გარემო, რაც ეკონომიკურ ზრდასა და სამუშაო ადგილების შექმნას დადებითად წაადგება. კომპანია Visa Inc მსოფლიოს მასშტაბით სხვადასხვა ქვეყნის მთავრობების, ფინანსური ინსტიტუტების, სავაჭრო სუბიექტებისა და ტექნოლოგიური კომპანიების პარტნიორია, რომლებთან ერთადაც ჩვენ ვქმნით ინოვაციურ პროდუქტებს“, განმარტავს Visa Inc -ის მთავარი აღმარულებელი ოფიცერი ჩარლი შარფი.
გლობალური კვლევის შედეგები:
ელ. ბარათების მიმოქცევა: 2011-2015წწ. ელ. ბარათების მოხმარება საშუალოდ 2.3%-ით გაიზარდა. ამ ინდექსის 0.01% განპირობებულია ბარათების შეღწევადობის გაზრდილი მაჩვენებლით. ანუ, ბარათების მოხმარების წილი საერთო მოხმარების ზრდაში დაახლოებით 0.4%-ია. რადგან მოხმარების ზრდის ინდექსი საშუალოდ განვითარებად ეკონომიკებში უფრო სწრაფია, ამ ქვეყნებს მეტი მოგების შესაძლებლობა აქვთ ელ. ბარათების გამოყენების გაზრდით.
ელ. ბარათების გამოყენება: ქვეყნების, რომლებიც ყველაზე მეტად მოიხმარენ ელ.ბარათებს, ყველაზე მეტი ეკონომიკური ზრდის მაჩვენებელი აქვთ. მაგ: მთლიანი შიდა პროდუქტის ზრდის მაღალი მაჩვენებელი დაფიქსირდა უნგრეთში (0.25%), არაბეთის გაერთიანებულ ემირატებში (0.23%), ჩილეში (0.23%), ირლანდიაში (0.2%), პოლონეთსა (0.19%) და ავსტრალიაში (0.19%). კვლევაში მონაწილე ქვეყნების უმრავლესობაში ელ. ბარათების გამოყენება გაიზარდა ეკონომიკური მდგომარეობის მიუხედავად. რუსეთში მთლიანი შიდა პროდუქტი გაიზარდა 0.33%-მდე, უკრაინაში - 0, 07%, აზერბაიჯაბსა და ყაზახეთში შესაბამისად 0, 03% და 0,02%.
ელექტრონული გადახდების ზრდის შედეგად, კვლევაში შემავალი 70 ქვეყნის მასშტაბით, საშუალოდ წლიურად 2.6 მილიონი ახალი სამუშაო ადგილი შეიქმნა საანალიზო 5 წლის პერიოდში. აღსანიშნავია, რომ ამ მხრივ ყველაზე მაღალი
მაჩვენებელი დაფიქსირდა ჩინეთსა
(427,000 ახალი სამუშაო ადგილი) და ინდოეთში (336,000 ახალი სამუშაო ადგილი). დსთ-ს ქვეყნებში დაფიქსირდა შემდეგი მონაცემები: 235 000 ახალი სამუშაო ადგილი შეიქმნა რუსეთში, დაახლოებით 13 520 - უკრაინაში. ყაზახეთში - 2080, აზერბაიჯანში - 1130.
- განვითარებადი ბაზრები და განვითარეული ქვეყნები:
განვითარებადმა ბაზრებმა და განვითარებულმა სახელმწიფოებმა ელ. ბარათების მზარდი გამოყენების შედეგად მიიღეს სამომხმარელო პროდუქტებზე გაზრდილი მოხმარების დონე. ბარათების გაზრდილმა მოხმარებამ განვითარებად ბაზრებზე პროდუქტების მოხმარების მაჩვენებელი 0.2%-ით გაზარდა, 2011-2015 წლის მონაცემების განვითარებული ქვეყნების მონაცემთან - 0.14%-თან შედარებით. მშპ-ს შესაბამისი მაჩვენებლებია 0.11% განვითარებად ბაზრებზე, ხოლო 0.08% - განვითარებულ ქვეყნებში. კვლევა აჩვენებს, რომ ნებისმიერ ბაზარს, მიუხედავად ელ. ბარათების შეღწევადობის დონისა, შეუძლია იხეიროს მოხმარების დონის ზრდით ელ. ბარათების გაზრდილი გამოყენების მეშვეობით.
- პოტენციური სამომავლო განვითარება:
გამოკვლეული 70 ქვეყნის მაგალითზე ცხადი გახდა, რომ ელექტრონული გადახდების ყოველი 1%-იანი ზრდის მაჩვენებელი საშუალოდ წარმოშობს 104 მილიარდი დოლარის წლიურ ზრდას სამომხმარებლო პროდუქტებზე. თუ ვივარაუდებთ, რომ რაიმე შესაძლო ფაქტორი არ შეიცვალა, ელ. ბარათების გამოყენების შედეგად მივიღებთ მშპ-ს საშუალო წლიურ 0.04%-იან ზრდას.
კვლევა აჩვენებს, რომ მხოლოდ ელეტრონული გადახდების ზრდა არ განაპირობებს ქვეყნის ეკონომიკურ განვითარებას. საჭიროა აგრეთვე კარგად განვითარებული ფინანსური ინსტიტუტების ხელშეწყობა და ჯანსაღი ეკონომიკა, რათა ეფექტური შედეგი მივიღოთ. რეპორტი მაკრო დონეზე გასცემს რეკომენდაციას, რომ წახალისდეს გადახდების ელექტრონიზაცია, ქვეყნებმა ხელი შეუწყონ ისეთი პოლიტიკების დანერგვას, რომლებიც მინიმუმამდე დაიყვანს უსარგებლო რეგულაციებს, შექმნის ძლიერ ფინანსურ ინფრასტრუქტურას და გაზრდის პროდუქტების მოხმარების დონეს.
«მომხმარებლები ელ. ბარათებს სულ უფრო მეტად და მეტად იყენებენ. 2011-2015წწ. დაფიქსირდა Visa ბარათების მოხმარების სტაბილური ზრდა დსთ-სა და სამხრეთ-აღმოსავლეთ ევროპის ბაზრებზე. როგორც „მუდი“ კვლევის შედეგებიდან ჩანს, ელ.
გადახდების სისტემაზე გაზრდილმა მიგრაციამ უკრაინაში მშპ თითქმის
US$460 მილიონი ლარით გაზარდა, აზერბაიჯანში - US$70 მილიონით, ხოლო ყაზახეთში - US$210 მილიონით, განაცხადა დიმიტრი კრეპაკმა, Visa-ს რეგიონალურმა მენეჯერმა უკრაინაში, საქართველოსა და სომხეთში. – ეს არის ინდუსტრიის მთავარ სტეიკჰოლდერებს (ბანკები, მარეგულირებელი ორგანოები, სავაჭრო სუბიექტები და სხვა მოთამაშეები) შორის მჭიდრო პარტნიორობის შედეგი. ჩვენ გვსურს, კვლავაც ვითანამშრომლოთ ყველა დაინტერესებულ მხარესთან, რათა მივაღწიოთ საერთო მიზანს - დავაჩქაროთ მიგრაცია ელექტრონული გადახდების სისტემაზე ადგილობრივი ეკონომიკების განვითარების ხელშეწყობისთვის».
