საპარლამენტო უმრავლესობის წევრი ზურაბ ტყემალაძე აცხადებს, რომ ამერიკელი კონგრესმენი, რომელმაც ბიძინა ივანიშვილის ანგარიშების გაყინვა მოითხოვა ერთ-ერთი კონგრესმენია, რომელსაც თავისი აზრის გამოთქმის საშუალება აქვს, თუმცა ეს არ ნიშნავს, რომ მას ვინმე უნდა დაემორჩილოს.
"პირდაპირ ეთერში რომ არ ვიყო, ვიტყოდი ვის აქვს გაყინული და რა გაყინულ ჭკუაზეა საუბარი. ამერიკაში ძალიან ბევრი კონგრესმენია. ძალიან ბევრ ქვეყანაში არიან დეპუტატები, ყველას აქვს თავისი აზრის გამოხატვის უფლება, მაგრამ ეს არ ნიშნავს, რომ მათი ნათქვამი კანონია და ამ კანონს უნდა დავემორჩილოთ ყველა," - განცხადა ტყემალაძემ ,,რუსთავი 2“ - თან საუბარში.
ამერიკელი კონგრესმენი სტივ რასელი ბიძინა ივანიშვილის ანგარიშების გაყინვას მოითხოვს. რასელმა კონგრესის წარმომადგენელთა პალატის სხდომაზე საქართველოს ყოფილ პრემიერ-მინისტრს პუტინის მოკავშირე უწოდა და აღნიშნა, რომ ის ზეგავლენას ახდენს პოლიტიკურ პროცესებზე საქართველოში.
