რაჭაში სხვადასხვა პროექტის განხორციელებაზე წლის განმავლობაში 56 მილიონ ლარზე მეტი დაიხარჯება. ამის შესახებ ამბროლაურში გამართულ მთავრობის დღევანდელ გასვლით სხდომაზე პრემიერ-მინისტრმა ნიკოლოზ გილაურმა განაცხადა.
მისი განმარტებით, რეგიონისთვის ამ ეტაპზე ყველაზე პრიორიტეტული სასმელი წყლის, ასევე გზებთან და ენერგეტიკულ პრობლემებთან (გაზიფიცირებასა და ინდივიდუალურ გამრიცხველიანებასთან) დაკავშირებული პროექტებია.
აღსანიშნავია, რომ ინდივიდუალური გამრიცხველიანება ამბროლაურში უკვე დასრულებულია. ივნისის მეორე ნახევრიდან შესაბამისი პროცესი ონის რაიონის სოფლებშიც დაიწყება.
