თბილისის მერი დავით ნარმანია ბაღების მართვის სააგენტოს თანამშრომლების გათავისუფლებასა და ბაღების დირექტორების გათავისუფლებას შორის კავშირს გამორიცხავს. დედაქალაქის მერმა დღეს ჟურნალისტებთან განაცხადა, რომ სააგენტოს თანამშრომლების გათავისუფლების საფუძველი ფინანსურ მენეჯმენტთან დაკავშირებული ხარვეზები გახდა და ბაღების დირექტორების გათავისუფლება მათ არამართლზომიერ საქმიანობასთან არის დაკავშირებული.
,,სააგენტოს თანამშრომლების გათავისუფლების საფუძველი ფინანსურ მენეჯმენტთან დაკავშირებული ხარვეზები გახდა, რაც აუდიტის სამსახურის შემოწმების შედეგად იქნა აღმოჩენილი"- განაცხადა დავით ნარმანიამ.
რაც შეეხება თბილისის ბაგა-ბაღების მართვის სააგენტოს ხელმძღვანელს თემურ თორდინავას, სააგენტოში კიდევ ოთხი თანამშრომლის გათავისუფლების მიზეზად იგი სისტემის გაჯანსაღებას ასახელებს.
