„რესპუბლიკური პარტიის“ ერთ-ერთი ლიდერი ლევან ბერძენიშვილი მიიიჩნევს, რომ პრეზიდენტი წინასაარჩევნო კამპანიის თარიღის გამოცხადებასთან დაკავშირებით დაიბნა და მისი აპარატის თანამშრომლები კიდევ უფრო აბნევენ მას.
ბერძენიშვილი ვარაუდობს, რომ პრემიერი არ დაუჭერს მხარს საარჩევნო კამპანიის 5 თვით ადრე დაწყებას, თუმცა ასევე აცხადებს, რომ არჩევნების თარიღი არ შეიცვლება.
,,ჩემი აზრით, პრეზიდენტი ამ საკითხში დაიბნა. მისი მეგობრები და აპარატი იმის მაგივრად, რომ არკვევდენ საკითხში, კიდევ უფრო აბნევენ სიტუაციას. ვფიქრობ, რომ პრეზიდენტი გაერკვევა ყველაფერში. რაც შეეხება კონტრასიგნაციას, რომელიც ხუთი თვით ადრე საარჩევნო კამპანიის დაწყებას უკავშირედება, არა მგონია პრემიერმა დაუჭიროს მხარი. ვფიქრობ, რომ გავერკვევით. ცუდია, რომ პრეზიდენტმა კონსულტაციებს არ მიმართა და ახლა ცდილობს, სახე შეინარჩუნოს. არჩენების თარიღი ალბათ არ შეიცვლება, მაგრამ შეიცვლება ის, თუ როდის დაიწყება საარჩევნო კამპანია“-განაცხადა ლევა ბერძენიშვილმა
შეგახსენებთ, პრეზიდენტი წინასაარჩევნო კამპანიის დაწყების თარითად მაისის დასაწყისის გამოცხადებას გეგმავს. ეს გადაწყვეტილება გიორგი მარგველაშვილმა პრემიერ კვირიკაშვილის მიერ პრეზიდენტისთვის არჩევნების დანიშვნის შესახებ განკარგულების კონტრასიგნაციამდე უკან დაბრუნების შემდეგ მიიღო. პრემიერმა თხოვნით მიმართა პრეზიდენტს წინასაარჩევნო კამპანიის დაწყების თარიღად 8 ივლისი შერჩეულიყო.
მოქმედი კანონმდებლობით, თუ მთავრობა მეორედ უარყოფს პრეზიდენტის განკარგულებას, პრეზიდენტს აღარ ექნება უფლება, მომდევნო 6 თვის განმავლობაში იგივე აქტი წარუდგინოს მთავრობას. ექსპერტები განმარტავენ, რომ 6 თვის შემდეგ თავიდან გადაწყვეტს პრეზიდენტი არჩევნების თარიღს და თავიდან უნდა დაიწყოს მათ შორის კონტრასიგნაციის პროცედურაც. ,,ეს გამოიწვევს იმას, რომ არჩევნების თარიღი შეიცვლება. ამავე დროს პარლამენტს ამოეწურება კონსტიტუციით დადგენილი ვადა და ვერ ჩაინიშნება შესაბამის დროში არჩევნებში. აქედან გამომდინარე, ოქტომბრის შემდეგ უნდა გადაიწიოს არჩევნების თარიღმა”.
