,,ნაციონალური მოძრაობა” პარლამენტში ბაგა-ბაღების გათავისუფლებულ დირექტორებს ხვდება. ფრაქციის სხდომის დაწყებამდე ენმ-ის წევრმა გიორგი ვაშაძემ განაცხადა, რომ ბაღების სააგენტო პოლიტიკური იარაღია და ის უნდა გაუქმდეს.
ოპოზიციის წარმომადგენლები დარწმუნებული არიან, რომ ბაღებიდან დირექტორების მასიური გათავისუფლება პოლიტიკური გადაწყვეტილებაა.
„ბაღების სააგენტო, როგორც პოლიტიკური იარაღი, საერთოდ უნდა გაუქმდეს, რადგან მათა არანაირი კავშირი არ აქვთ ბავშვის აღზრდასთან, მათ აქვთ კავშირი მხოლოდ პოლიტიკური ინტერესების დაცვასთან,“ - აღნიშნა გიორგი ვაშაძემ.
პოლიტიკურ მოტივს არ გამორიცხავენ გათავისუფლებული დირექტორებიც. დღევანდელ სხდომაზეა ასევე სკოლამდელი აღზრდის შესახებ მომზადებულ კანონპროექტზეც იმსჯელებენ.
ყოფილმა დირექტორებმა სასამართლოს უკვე მიმართეს და თანამდებობებზე აღდგენა მოითხოვეს.
