ოდესის ოლქის გუბერნატორი მიხეილ სააკაშვილი უკრაინის პრემიერ-მინისტრის არსენი იაცენიუკის გადადგომას პირველ გამარჯვებას უწოდებს.
„მე ვხვდებოდი უკრაინის პრეზიდენტს, როდესაც იაცენიუკის გადადგომის შესახებ განცხადება შემოუტანეს. ჩვენმა ბრძოლამ პირველი შედეგი გამოიღო, თუმცა, გულწრფელად რომ ვთქვა, ბოლოდროინდელი მოლაპარაკებების ფონზე, მღელვარების იმაზე მეტი საფუძველი მაქვს, ვიდრე საკმარისი“,- აცხადებს სააკაშვილი.
უკრაინის პრემიერ-მინისტრი არსენი იაცენიუკი გუშინ გადადგა. მისი თქმით, ასეთი გადაწყვეტილება ქვეყანაში არსებული პოლიტიკური კრიზისის გამო მიიღო. არსენ იაცენიუკს უკრაინის პრემიერ-მინისტრის პოსტზე სავარაუდოდ, ვლადიმერ გროისმანი შეცვლის. მის კანდიდატურას პრეზიდენტი პოროშენკო უჭერს მხარს. ის იმედოვნებს, რომ 12 აპრილს უკრაინის უმაღლეს რადაში საპარლამენტო კოალიცია შეიქმნება, რომელიც ახალ პრემიერს წარადგენს.
