საქართველოს პრეზიდენტ მიხეილ სააკაშვილის შეფასებით, ქართველი ხალხი სწორ არჩევანს გააკეთებს. ამის შესახებ სააკაშვილმა დღეს რიყეზე გვირაბის გახსნისას განაცხადა, რომელიც BMW-ს მარკის ავტომობილით გიგი უგულავასთან ერთად გაიარა.
"კიდევ ძალიან ბევრი გავაქვს გასაკეთებელი და ვეძებ ასეთ კაცს. მას მებაღეობაც კარგად ეხერხება, მშენებლობაც, ეს გვირაბიც მან ააშენა და პურის ცხობაც კარგად იცის. ხალხი არჩევნებზე ამ ყველაფერს კარგად განსაზღვრავს და არჩევანს გააკეთებს", - განაცხადა სააკაშვილმა.
პრეზიდენტმა გულისჯიბიდან მოქმედი მერის ფოტოსურათი ამოიღო და იხუმრა: "ეს ადამიანი ვინმეს ხომ არ დაგინახავთ? ვეძებ".
