საპარლამენტო უმრავლესობის წევრი, დეპუტატი თამარ კორძაია მიიჩნევს, რომ მოსახლეობისთვის დასაქმების პრობლემა უფრო მნიშვნელოვანია, ვიდრე ქალისა და მამაკაცის ქორწინების დაზუსტება.
,,დღეს გაცილებით უფრო მნიშვნელოვანი საკითხებია, რომელზეც მთავრობამ, პარლამენტმა უნდა გაამახვილოს ყურადღება. რა თქმა უნდა, უფრო მნიშვნელოვანია სიღარიბის დაძლევა, დასაქმება და თუკი მოქალაქეებს კითხვას დაუსვამთ, თუ რომელი საკითხი აწუხებთ მათ, ნომერ პირველი იქნება ის, რაც მე ვთქვი და არა - ქორწინება არის თუ არა ქალის და კაცის ერთობა“, - განაცხადა კორძაიამ ჟურნალისტებტან საუბარში.
ქორწინებასთან დაკავშირებით, საკონსტიტუციო ცვლილებების განხილვა მიმდინარეობს.
