,,ნაციონალური მოძრაობის“ წევრის მიხეილ მაჭავარიანის შეფასებით, სახელმწიფო უსაფრთხოების სამსახური ბიძინა ივანიშვილის მიერ შექმნილი პოლიტიკური პოლიციაა.
სუს-ის უფროსის მოადგილე ლევან იზორია დღეს იურიდიულ საკითხთა, ადამიანის უფლებათა დაცვისა და თავდაცვისა და უშიშროების კომიტეტების გაერთიანებულ სხდომაზე სუს-ის საქმიანობის ანგარიშს წარადგენს. მაჭავარიანი აცხადებს, რომ აღნიშნულ სამსახურთან ბევრი პრეტენზია არსებობს.
,,არსებობს ბევრი დადასტურება, რომ სუს-ი შეიქმნა საქართველოში, როგორც პოლიტიკური პოლიცია. საუბარია საკონსტიტუციო სასამართლოს თავმჯდომარის შანტაჟზე, ასევე ერთერთი სერიოზული ტელეკომპანიის ხელმძღვანელის დაშანტაჟებაზე, საუბარია პოლიტიკურ დევნაზე. ამიტომ ჩვენ გვინდა ნათელი მოვფინოთ, რომ ეს არის პირადად ბიძინა ივანიშვილის შექმნილი პოლიტიკური პოლიციაა,“ - განაცხადა მიხელ მაჭავარიანმა.
