„ევროპის სახალხო პარტიას“ არც ერთ შეხვედრაზე არ გამოუთქვამს პოზიცია, რომ შეიძლება, მხარი არ დაუჭიროს საქართველოს ვიზალიბერალიზაციას. ამის შესახებ ,2030” - ს ევროკავშირში საქართველოს წარმომადგენელმა, ნატა საბანაძემ განუცხადა.
„ჩვენ არაერთი შეხვედრა გაგვიმართავს ევროპარლამენტში. ევროპარლამენტი არის კიდევ უფრო აქტიური მხარდაჭერი საქართველოს ევროპული და ევროატლანტიკური დღის წესრიგის. არც ერთ შეხვდრაზე ჩვენთან არ გამოუთქვამთ პოზიცია, რომ შეიძლება არ დაუჭირონ მხარი ვიზალიბერალიზაციის გადაწყვეტილებას. ამიტომ უნდა ვნახოთ, შევხედოთ, თუ შეიცვლება პოზიცია“,-აღიშნა საბანაძემ.
მისივე თქმით, „ევროპის სახალხო პარტიის“ პრეზიდენტი ჯოზეფ დაული არ არის ევროპარლმანეტის წარმომადგენელი, ამ შემთხვევაში ის არ არის პარლამენტარი.
„რა თქმა უნდა, იგი არის უდიდესი და ერთ-ერთი გავლენიანი პარტიის ლიდერი, მაგრამ შეიძლება ითქვას, რომ მან გამოხატა სუბიექტური პოზიცია და თქვა, რომ შეიძლება ღირდეს, დაველოდოთ არჩევნებს. ეს არ ნიშნავს, რომ ეს არის ევროპარლამენტის ან „ევროპის სახალხო პარტიის“ დეპუტატების პოზიცია. ამას უნდა შევხედოთ და დრო აჩვენებს“,- განცხადა ნატალია საბანაძემ.
როგორც საბანაძემ აღნიშნა, არ აქვს საბაბი ივარაუდოს, რომ „სახალხო პარტია“ საქართველოს ვიზალიბერალიზაციის თემებს ჩააგდებს.
„ეს არის პარტია, რომელიც აქტიურად უჭერს მხარს საქართველოს ევროატლანტიკურ ინტეგრაციის დღის წესრიგს, მხარს უჭერს თავისუფალ არჩევანს იმ სახელმწიფოების, რომლებიც არიან რუსეთის სამეზობლოში და ფაქტობრივად ეს მათი პოლიტიკურის წინააღმდეგ წასვლა იქნებოდა. ზოგადად, „სახალხო პარტია“ არის ძალიან ძლიერი ხმა საქართველოს მხარდამჭერის კონტექსტში. ამიტომ ჩემთვის იქნება გასაკვირი, თუ ისინი ადგებიან და კომისიის დასკვნის შემდეგ ჩააგდებენ ვიზალიბერალიზაციის პროცესს. ჯოზეფ დაული პარტიის ლიდერია, მაგრამ არ მგონია, ის გამოსახავდეს პარტიის პოზიციას, თუნდაც იქიდან გამომდინარე რომ ევროპარლამენტის წევრი არ არის“,- მიიჩნევს საქართველოს წარმომადგენელი.
ტელეკომპნაია „რუსთავი 2“-მა გაავრცელა „ევროპის სახალხო პარტიის“ პრეზიდენტის ჯოზეფ დაულის ინტერვიუ. ინტერვიუში ჯოზეფ დაული ამბობს, რომ "საქართველოში ოქტომბრის საპარლამენტო არჩევნების შედეგებზე იქნება დამოკიდებული, შეძლებენ თუ არა საქართველოს მოქალაქეები ევროკავშირის ქვეყნებში უვიზოდ გადაადგილებას“.
