საქართველოს თავდაცვის მინისტრი თინა ხიდაშელი მიიჩნევს, რომ შეტვა ხდება არა მასზე, არამედ ქვეყნის თავდაცვის მინისტრზე.
„ბრმა უნდა იყო ვერ ხედავდე, რომ მასიურად ხდება შეტევა პირადად თავდაცვის მინისტრზე, პირადად თინა ხიდაშელზე არ არის საუბარი, საუბარია ქვეყნის თავდაცვის მინისტრზე შეტევაზე. დაწყებული გაუგებარი ადამინებისგან, არც მინდა მათი სახელების და გვარების დასახელება, დამთავრებული ამხელა მეზობელი ქვეყნის მაღალი თანამდებობის პირებით. ეს სრულიად ნათელი და ცალსახაა. დიახ, გიდასტურებთ, რომ მე მაქვს რეგულარულად ურთიერთობა ბიძინა ივანიშვილთან და არანაირი პრობლემა ამ ურთიერთობას არა აქვს. ჩვენ ქვეყნისთვის მნიშვნელოვან თემებზე ვსაუბრობთ, სადაც მე მჭირდება რჩევა და არის რამდენიმე პროექტი, სადაც თავდაცვის სამინისტროს ფონდი ქართუ ეხმარება,“ - განაცხადა თინა ხიდაშელმა.
რაც შეეხება მისი თანამდებობიდან გადადგომის შესახებ გავრცელებულ ინფორმაციას, ხიდაშელი აცხადებს, რომ არც კოალიციიდან წასვლას გეგმავს და არც თავდაცვის მინისტრის პოსტიდან.
,,ნამდვილად არ ვაპირებ არსად გადადგომას, არც მე და არც ერთი ,,რესპუბლიკელი მინისტრი, არც კოალიციიდან წასვლას არ ვგეგმავთ. საერთოდ ცხოვრებაში არაფერია გამორიცხული, მაგრამ ჩვენ არ ვგეგმავთ არც კოალიციიდან წასვლას და არც არანაირი მსგავსი ტიპის გადაწყვეტილებების მიღებას. წინასაარჩევნო პერიოდი იწყება და იმის შესახებ პარტიები მსჯელობდნენ 2016 წლის საპარლამენტო არჩევნებში რა ფორმატით და კონფიგურაციით აპირებენ გასვლას ვფიქრობ სწორი პროცესია. ასეთი ტიპის საუბარი რომ ყოფილიყო, მე იქ ვიქნებოდი, მაგრამ მე ეს ორი დღე სამინისტროში გავატარე,“ - აცხადებს თინა ხიდაშელი.
