EPP-ის პრეზიდენტის ჯოზეფ დაულის განცხადებას ვიზალიბერალიზაციასთან დაკავშირებით, ,,თავისუფალი დემოკრატებიც“ მწვავედ აკრიტიკებენ.
პარტიის ერთ-ერთი ლიდერი გია ცაგარეიშვილი აცხადებს, რომ ჯოზეფ დაულის ტექსტი ,,ნაცინალური მოძრაობაში“ მოუმზადეს.
,,მე არ ვიცი ამ კაცის არც სახელი, არც გვარი, პუტინის ფე-ეს-ბეს კარგი გვარიანი ოფიცერივით მსჯელობდა, ეს შემიძლია გითხრათ. სადღაც მოსკოვის ჯურღმულებიდან ჩამოსული ადამიანის იერსახით, გამომეტყველებით. გასაგებია, რომ ბატონმა კანდელაკმა რაღაც მონაჩმახი დაუდო მაგიდაზე მაგრამ, ამ ჭინკას ჭკუაზე ხომ არ უნდა იარო, როცა ასეთი პრეტენზია გაქვს და როცა ასეთი დონის პოლიტიკოსი ხარ. რასაც დაგიწერს ახლა ჭინკა კანდელაკი ის უნდა წაიკითხო? მე ვფიქრობ არ უნდა წაიკითხო", - განაცხადა გიორგი ცაგარეიშვილმა.
,,რუსთავი 2“ - თან ინტერვიუში EPP-ის პრეზიდენტმა განაცხადა, რომ "ევროპის სახალხო პარტია საქართველოს მოქალაქეებისთვის ვიზალიბერალიზაციის პროცესის მომხრეა. ეს მნიშვნელოვანია ახალგაზრდებისთვის, რომ შეძლონ საზღვარგარეთ სწავლა და მიეცეთ შესაძლებლობა იყვნენ გახსნილი სხვებთან. მაგრამ შევახსენებდი ქართველებს, რომ ,,ერთიანი ნაციონალური მოძრაობის“ მთავრობა იყო, რომელმაც დაიწყო და წინ წასწია მთელი სამუშაო ვიზალიბერალიზაციასა და ღრმა და ყოვლისმომცველ სავაჭრო სივრცეზე, რაც ხალხს ავიწყდება. ეს ახალი სტატუსი თანმდევი უნდა იყოს ნამდვილ და დამტკიცებულ რეფორმებთან ქვეყანაში. საქართველო უნდა იქცეს დემოკრატიულ საზოგადოებად არა მხოლოდ არჩევნების დროს, არამედ მის წინ და მის შემდგომაც. ევროპარლამენტში, ევროპის სახალხო ჯგუფი მხარს დაუჭერს ვიზალიბერალიზაციას მხოლოდ იმ შემთხვევაში, თუ საქართველოში საპარლამენტო არჩევნები ჩატარდება თავისუფალი და სამართლიანი გზით".
