საპარლამენტო უმრავლესობის წევრი ეკა ბესელია მიიჩნევს, რომ თუკი, საპარლამენტო არჩევნებზე კოალიციაში შემავალი პოლიტიკური ძალები ცალ-ცალდე მოსინჯავენ ძალას ,,ტრაგედია არ იქნება“. მმართველ კოალიციაში შემავალი პოლიტიკური პარტიების საპარლამენტო არჩევნებში ცალ-ცალკე მონაწილეობასთან დაკავშირებით გავრცელებულ ინფორმაციაზე ბესელია აცხადებს, რომ ,,ზოგჯერ პოლიტიკაში დგება ეტაპი, როცა ცალკეულმა პოლიტიკურმა ძალებმა შესაძლოა ინდივიდუალურად მოსინჯონ საკუთარი შესაძლებლობები“ დეპუტატი არ გამორიცხავს, რომ კოალიციაში შემავალი სუბიექტები პარლამენტში მოხვედრის შემდეგ, ისევ გაერთიანდნენ.
გავრცელებული ინფორმაციით, ,,რესპუბლიკელები“ დღეს კოალიციაში დარჩენასთან დაკავშირებით, განცხადებას გააკეთებენ. ვრცელდება ინფორმაცია ასევე, იმასთან დაკავშირებით, რომ ,,რესპუბლიკელები“ მიმდინარე კვირას თანამდებობებსაც დატოვებენ.
