,,მოლაპარაკებები გია გაჩეჩილაძესა და მაკა ასათიანს შორის წილების გასხვისებასთან დაკავშირებით ამჟამად არ მიმდინარეობს“, - ამის შესახებ მაკა ასათიანის ადვოკატმა გიორგი გვენეტაძემ იმ ინფორმაციის კომენტირებისას განაცხადა, რომლის თანახმადაც, მაკა ასათიანი შპს "სტუდია მაესტროს" 25%-იან წილს გია გაჩეჩილაძეზე ასხვისებს.
"მაკა ასათიანს წილი გია გაჩეჩილაძისთვის არ მიუყიდია. გავრცელებული ინფორმაცია არის არასწორი, მცდარი, დეზინფორმაცია. მოლაპარაკებები ამჟამად ამ საკითხზე არ მიმდინარეობს", - განაცხადა გიორგი გვენეტაძემ.
დღეს ,,მაესტროს“ საქმეზე დანიშნული 2 სასამართლო პროცესიდან ერთ-ერთი გადაიდო. საუბარია ლოგოს გამოყენების უფლების ირგვლივ დავაზე. ამ უფლების დაბრუნებას ბაჩო კიკაბიძე მოითხოვს.
ლოგოსთან დაკავშირებით ბაჩო კიკაბიძემ დღეს ძმებ გაჩეჩილაძეებს ახალი ინიციატივითაც მიმართა, რომლის თანახმადაც, ბაჩო კიკაბიძეს გაჩეჩილაძის მხარემ გარკვეული თანხა უნდა გადაუხადოს, თუმცა გაჩეჩილაძეებს შეთავაზებაზე ჯერ არ უპასუხიათ. ლევან გაჩეჩილაძის ადვოკატები ამბობენ, რომ ბაჩო კიკაბიძეს ლოგო უსასყიდლოდ გადაეცა, რაც არაკანონიერია.
