ეკონომიკისა და მდგრადი განვითარების მინისტრის დიმიტრი ქუმსიშვილის შეფასებით, პირადი ცხოვრების ამსახველი ნებისმიერი ჩანაწერი ამაზრზენია. საპარლამენტო უმრავლესობის წევრის თამაზ მეჭიაურის განცხადებასთან დაკავშირებით, მინისტრმა განაცხადა, რომ დეპუტატის განცხადება მას არ მოუსმენია, თუმცა მისი აზრით, ,,არავის საქმე არ არის, ვის როგორ სძინავს და ვისთან სძინავს“
ფარულ ვიდეოჩანაწერებთან დაკავშირებულ სკანდალს თამაზ მეჭიაური გუშინ გამოეხმაურა. პრესკონფერენციაზე მან განაცხადა, რომ თანამდებობის პირებმა, რომლებზეც მაკომპრომატირებელი ჩანაწერი არსებობს, თანამდებობები უნდა დატოვონ.
დეპუტატი მიიჩნევს, რომ ხელისუფლება თავის დროზე არ უნდა ჩართულიყო კამპანიაში, რომელიც კადრების განადგურებას გულისხმობდა, რადგან ეს კადრები ყოფილ ხელისუფლებას რამდენიმე ეგზემპლიარად ექნებოდა გამრავლებული.
