თბილისის სახელმწიფო უნივერსიტეტის რექტორი ვლადიმერ პაპავა გადადგომას არ აპირებს. როგორც მან ჟურნალისტებთან განაცხადა,
სტუდენტების მხრიდან მისი კაბინეტის დაკავების შესახებ დაცვის თანამშრომლებისგან შეიტყო.
,,უნივერსიტეტის ერთიანობის შესანარჩუნებლად, მე ჩემს პოზიციაზე ვდგავარ> ვნახოთ, დამატებით ინფორმაციას მივიღებ", - განაცხადა პაპავამ.
მისივე თქმით, თვითმმართველობის წევრთა გამოყვანას მისი კაბინეტიდან ძალით არავინ გეგმავს. ის მოუწოდებს ახალგაზრდებს კაბინეტი საკუთარი ნებით დატოვონ.
ამ წუთებში პოლიცია უნივერსიტეტის შენობაში კორიდორს აკეთებს, რათა ლადო პაპავამ საკუთარ კაბინეტთან მისვლა შეძლოს.
თსუ-ს თვითმმართველობის წარმომადგენლებმა უნივერსიტეტის რექტორის კაბინეტი დაიკავეს და ჟურნალისტების გარდა არავის უშვებენ. თვითმმართველობის წარმომადგენლებს უნივერსიტეტის შენობაში მხარდამჭერები უკანა კარიდან დღეს დილიდან შეყავდათ. მიუხედავად იმისა, რომ კართან პოლიცია იდგა, ახალგაზრდების შეჩერება მათ ვერ შეძლეს.
