საპარლამენტო უმრავლესობის ერთ-ერთი ლიდერის გია ვოლსკის თქმით, არ ესმის რატომ არ უნდა ჰკითხონ აზრი ყოფილ პრემიერს - ,,უამრავი ინფორმაციის მფლობელს“. დღეს გამართულ პრესკონფერენციაზე მან ასევე განაცხადა, რომ ვერავინ დაუშლის ბიძინა ივანიშვილთან ადამიანურ ურთიერთობას.
"საკმაოდ რთული პერიოდი გამოვიარეთ ერთად. გარდა ამისა, ჩამოყალიბდა პოლიტიკური ოჯახი, სადაც ბიძინა ივანიშვილი არის ერთ-ერთი ანგარიშგასაწევი ლიდერი. ჩვენ ერთმანეთს არაფერს არ ვთხოვთ გარდა კეთილი დამოკიდებულებისა, ერთად დგომისა. ბიძინა ივანიშვილი გამორჩეულია, ყველა დამეთანხმებით. არც ერთ შემთხვევაში არ დაუშვებს თვითონ და არ ჩაერევა ზედმეტად. მე არ მესმის რატომ არ უნდა ვკითხოთ ბიძინა ივანიშვილს, ლიდერს, ყოფილ პრემიერს, უამრავი ინფორმაციის მფლობელ ადამიანს ამა თუ იმ საკითხთან დაკავშირებით აზრი", - განაცხადა გია ვოლსკიმ.
