პარლამენტის თავმჯდომარის დავით უსუფაშვილის განცხადებით, კოალიციური ერთობა ეს არ არის მუდმივი ერთობა და ის იქმნება გარკვეული ვადი. ამის შესახებ ,,რესპუბლიკელების” ლიდერმა კოალიციაში მიმდინარე მოვლენებზე საუბრისას, დღეს მედიასაშუალებებთან გამართულ შეხვედრაზე განაცხადა.
“კოალიციური ერთობა ეს არ არის მუდმივი ერთობა, კოალიციები იქმნება გარკვეული ვადით და ბუნებრივად გაიხსნა საკითხი იმის თაობაზე, თუ როგორ იქნება კოალიცია წარდგენილი შემდგომ არჩევნებზე. მინდა ყველას მივმართო და მოვუწოდო ცოტა უფრო სიღრმისეული მშვიდი მსჯელობისკენ იმასთან დაკავშირებით, რომ მომავალ არჩევნებზე კოალიცია რა კონფიგურაციით წარდგება, ეს არის მომავლის საქმე, მაგრამ ეს არ ნიშნავს იმას, რომ ამაზე მსჯელობისას დღეს კოალიციას რაიმე საფრთხე დაემუქროს, იმიტომ რომ ჩვენ პასუხისმგებლობა აღებული გაქვს 4 წლით“, - განაცხადა უსუფაშვილმა.
