საქართველოს ეკონომიკური განვითარების ცენტრის ხელმძღვანელი რომან გოცირიძე მიიჩნევს, რომ ,,გაზპრომის“ საკითხთან დაკავშირებით ერთი რაუნდი მოგებულია. მისი შეფასებით, ეს არის გამარჯვება რუსეთზე და საქართველოს ხელისუფლების იმ ნაწილზე, რომელთა მოქმედება მხოლოდ გაზმომარაგებით არ იყო მოტივირებული.
გოცირიძე აცხადებს, რომ მალე მთავარი შეტევა ,,ვიმპელკომის“ მიერ ,,კავკასუს ონლაინის“ შეძენისთვის დაიწყება.
,,გაზპრომის საკითხთან დაკავშირებით ერთი რაუნდი მოგებულია. ეს მთელი საზოგადოების გამარჯვებაა. გამარჯვება რუსეთზე და საქართველოს ხელისუფლების იმ ნაწილზე, რომელთა მოქმედება მხოლოდ გაზმომარაგებით არ იყო მოტივირებული.
ამ ადამიანებმა ქვეყანას შეუქმნეს საფრთხე, დახარჯეს დიდძალი ფული საზღვარგარეთ გამართულ უაზრო მოლაპარაკებებში, ანერვიულეს ხალხი როგორც ქვეყნის შიგნით, ისე მის ფარგლებს გარეთ, შეულახეს საქართვლოს საერთაშორისო იმიჯი და გაღრმავეს ეჭვი ხელისუფლების დასავლური ორიენტაციის სიმყარის შესახებ.
კარგი ის მოხდა, რომ საზოგადოებრივ და პოლიტიკურ ძალებს აღმოაჩნდა წინააღმდეგობის გაწევის რესურსი.
არ შეიძლება, რომ თვითდამშვიდებას მივეცეთ. რუსეთის ახალი სტრატეგია კიდევ გააჩენს დაძაბულობის მრავალ დიდ თუ პატარა კერას. უკვე ყველამ იცის, რომ ეს ჰიბრიდული ომის ნაირსახეობაა.
მალე მთავარი შეტევა ვიმპელკომის მიერ კავკასუს ონლაინის შეძენისთვის დაიწყება. ჯერ შავიზღვისქვეშა მაგისტრალური კაბელის გარეშე, მერე კაბელამდეც ნახევარი ნაბიჯი დარჩება.
ცუდია ის, რომ ამ ბრძოლაში ქვეყნის ხელისუფლების არ გეიმედება”, - აცხადებს ექსპერტი.
