თავდაცვის მინისტრი თინა ხიდაშელი მიიჩნევს, რომ ,,რესპუბლიკელებსა” და პრემიერ-მინისტრს შორის გუშინ გამართული შეხვედრის შესახებ უკვე საკმაოდ ნათელი განცხადებები გაკეთდა და შესაბამისად მისი კომენტარი საჭირო არ არის. ამის შესახებ მან მთავრობის სხდომის დასრულების შემდეგ ჟურნალისტებთან განაცხადა.
,,მე არ მგონია, რომ რამე რთულია გასაგებად მათთვის, ვისაც უნდა გაიგოს რა ითქვა. მე ამაზე მეტ კომენტარს ვერ გავაკეთებ, იმიტომ, რომ ორივე მხარემ, კოალიციის ორივე სუბიექტმა - "რესპუბლიკელებმა" და პრემიერმა, როგორც "ქართული ოცნების" ლიდერმაც გააკეთეს განცხადებები", -განაცხადა ხიდაშელმა და დაადასტურა, რომ არც კოალიციის და არც თანამდებობის დატოვებას არ აპირებს.
