,,თავისუფალი დემოკრატების“ ლიდერი ირაკლი ალასანია მიიჩნევს, რომ პრემიერ-მინისტრს მართლაც სურს სიტუაციის გამოსწორება კოალიციაში, თუმცა მისი თქმით, ეს დაპირისპირება არ ჩერდება.
„ქაოსი არის როგორც კოალიციის შიგნით, ასევე ქვეყანაში. ეს მე არ მახარებს, მიუხედავად იმისა, რომ ოპოზიციიდან შესაძლოა მომგებიანიც იყოს ასეთი დასუსტებული, დაქსაქსული მმართველი კოალიცია. ჩვენ გვინდა, რომ არჩევნებამდე მშვიდად მივიდეთ. ამ შემთხვევაში, მე უფრო ქაოსის ნიშნებს ვხედავ, ვიდრე წესრიგის დამყარების,“ - აღნიშნა ირაკლი ალასანიამ.
პრემიერმა კოალიციაში არსებულ დაპირისპირებაზე განცხადება დღეს გაავრცელა. მან განაცხადა, რომ კოალიციაში პოლიტიკურმა დაპირისპირებამ სრულიად მიუღებელი ფორმა მიიღო. ასევე გიორგი კვირიკაშვილმა აღნიშნა, რომ მიუღებელია თავდაცვის მინისტრის მხრიდან მსგავს დაპირისპირებაში ჩართვა.
