,,თავისიფალი დემოკრატების“ ლიდერი ირაკლი ალასანია თავდაცვის მინისტრის თინა ხიდაშელის მიერ გაკეთებულ განცხადებას ეხმაურება, რომლის თანახმადაც ,,ალასანიას ნერვებმა უმტყუნა და ისინი არ უნდა წასულიყვნენ ოპოზიციაში“.
ალასანია მიიჩნევს, რომ საქართველოში მოვლენების და მცნებების აღრევა ხშირად ხდება.
,,ჩვენ ნერვებიც მყარი გვაქვს და თავმოყვარეობაც. მინდა, შეგახსენოთ, რომ ხიდაშელს ნერვებს უშლის თოფაძე და მრეწველების პარტია, ხოლო ჩვენ წინააღმდეგ იმ დროს მოქმედი და ყოფილი პრემიერები იყვნენ დარაზმული და ჩაგვიშალეს ქვეყნის უშიშროებისთვის და თავდაცვისთვის უმნიშვნელოვანესი საქმე. ასევე, დააკავეს ხუთი უდანაშაულო სამხედრო მოსამსახურე და თავდაცვის სამინისტროს სამოქალაქო თანამშრომელი. ამ ორ ფაქტს შორის ამ კუთხით საკმაოდ დიდი განსხვავებაა”, - აღნიშნა ირაკლი ალასანიამ.
