პარლამენტის საფინასო-საბიუჯეტო კომიტეტის თავმჯდომარის თამაზ მეჭიაურის განცხადებით, მორალურად მხოლოდ ერთ კაცს აქვს უფლება მიუთითოს სხვებს დატოვოს პარლამენტი. ამის შესახებ დეპუტატმა თავდაცვის მინისტრ თინა ხიდაშელის მიერ, გოგი თოფაძესთან დაკავშირებით გაკეთებული განცხადების შეფასებისას განაცხადა.
,,იურიდიულად მგონი არავის არ აქვს უფლება სხვისთვის მანდატის ჩამორთმევის, გარდა მთლიანად პარლამენტისა, ისიც განსაკუთრებულ შემთხვევაში. მორალურად შეიძლება ერთ კაცს ჰქონდეს უფლება მიუთითოს ვინმეს, რომ დატოვოს პარლამენტი. ეს ის კაცია ვინც ისინი გაიყვანა", - განაცხადა მეჭიაურმა.
თავდაცვის მინისტრმა თინა ხიდაშელმა ,,არჩევანში“ განაცხადა, რომ გოგი თოფაძეს პოლიტიკური წონა არ გააჩნია. "ანუ გინდ ყოფილა გინდ არა?!", დასძინა მინისტრმა.
