საქართველოს პრეზიდენტი გიორგი მარგველაშვილი იმედოვნებს, რომ "თავისუფალი დემოკრატების ერთ-ერთ ლიდერზე, ალექსი პეტრიაშვილზე თავდასხმას სამართალდამცავები უახლოეს მომავალში გამოიძიებენ.
როგორც მარგველაშვილმა უშიშროების საბჭოს სხდომის დასრულების შემდეგ განაცხადა, საბჭოს სხდომაზე ეს საკითხი არ უნდა განხილულიყო, თუმცა სხდომაზე ალექსი პეტრიაშვილის თავდასხმის საქმე მოიკითხეს.
"მიხედავად იმისა, რომ ეს არ იყო უშიშროების საბჭოს სხდომის განხილვის თემა, ალექსი პეტრიაშვილი ყველა ჩვენთაგანის ახლობელი ადამიანია და მოვიკითხეთ ეს საქმე.
დარწმუნებული ვარ ეს საქმე უახლოეს მომავალში გაიხსნება", - განაცხადა გიორგი მარგველაშვილმა.
ჟურნალისტების კითხვაზე ხომ არ გამოიწვევს ყოფილ სახელმწიფო მინისტრსა და ერთ-ერთი პოლიტიკური პარტიის ერთ-ერთი ლიდერზე თავდასხმა საზოგადოებაში ნდობის შემცირებას, მარგველაშვილმა უპასუხა:
"ყველა სახელმწიფო უწყება, განსაკუთრებით შინაგან საქმეთა სამინისტრო და პროკურატურა უნდა მუშაობდეს იმისათვის, რომ ასეთი დანაშაული არ ხდებოდეს, დანაშაული იხსნებოდეს სწრაფად, ერთი დანაშაულიდან გამომდინარე ბუნებრივია, განზოგადებას ვერ გავაკეთებთ", - განაცხადა პრეზიდენტმა.
