იუსტიციის უმაღლესი საბჭოს მდივნის, ლევან მურუსიძის განცხადებით, თბილისის საქალაქო სასამართლოს თავმჯდომარეობიდან გათავისუფლებული მამუკა ახვლედიანის მიმართ დისციპლინური დევნა ,,შეიძლება დაიწყოს, შეიძლება არა”. ამის შესახებ მან ჟურნალისტებთან იუსტიციის უმაღლესი საბჭოს სხდომის დაწყებამდე განაცხადა, სადაც დისციპლინური საჩივრების განხილვა იგეგმება.
"გადაწყვეტილება ამ დროისთვის არ არის მიღებული. შეიძლება დაიწყოს, შეიძლება არა და წინასწარ ნუ ვილაპარაკებთ. თუ რაიმე გადაწყვეტილება იქნება მიღებული, კანინის თანახმად, თვითონ მამუკას აქვს გასაჯაროვების უფლება", - განაცხადა მურუსიძემ.
მისი თქმით, დღევანდელ სხდომაზე მამუკა ახვლედიანის საკითხი არ განიხილება.
