„უკვე შემდგარი ნებისმიერი ტელევიზიის რყევა და ჟურნალისტთა კორპუსის შეწუხება სწორად არ მიმაჩნია. ფაქტია, რომ „მაესტრო“ შემდგარი ტელევიზიაა და ყველანი ძალიან განვიცდით, რომ რაღაც არ შეეხოს. იყო მომეტი, როცა ვფიქრობდი, რომ შეიძლება, მართლაც, კერძო დაავა, მაგრამ რაღაც მომენტში ჩავთვალე, რომ უდავოდ, პოლიტკაც ჩაერთო, რაც ძლიან არ მომწონს,“ - ამის შესახებ პუბლიცისტმა თაკო ჩარკვიანმა ტელეკომპანია „მაესტროს“ ეთერში, გადაცემა „მაესტროს ფაქტორში“ განაცხადა.
თაკო ჩარკვიანის თქმი, ყველაფერი ტელევიზიით არ იწყება და განცხადებებს გლობალურად უნდა შევხედოთ.
„მთელი დღეა, თოფაძის განცხადებები მუსირებს და ყველაფერი ეს ფონს ქმნის, ანუ საით მივდივართ: მიდის ქვეყანა ფეოდალური წყობით თუ დასავლეთისკენ. დიდად დარწმუნებული არ ვარ, რომ ქვეყანა დასავლეთისკენ მიდის. ეკა მიშველაძე და ინგა გრიგოლია ტელევიზიაში ზუსტად დასავლეთის კუთხით ძალიან დიდ საქმეს აკეთებდნენ. თინათინ ხიდაშელი კოალიციაში დასავლეთის მიმართ ძალიან კარგი დამოკიდებულებით გამოირჩევა. მისი წინამორბედი თავდაცვის მინისტრი, ალასანიაც ასე იყო. ეს არის საქართველოს პროგრესი და უკან გზა არ არსებობს!“ - აღნიშნა თაკო ჩარკვიანმა და დასძინა, რომ ფეოდალური ნიშნით მყოფ ქვეყანაში ჟურნალისტიკა ვერ განვითარდება!
„ყველაზე არ ვფიქრობ, მაგრამ უმრავლესობაში არის რაღაც ფლანგი, რომელსაც ძალიან სურს რუსეთი და ამას არ ფარავს. დავით ბერძენიშვილის გამოსვლა არათუ სწორი, დაგვიანებულიც კია! ბერძენიშვილსა და ყველას განცხადება თოფაძესთან დაკავშირებით მაშინ უნდა გაეკეთებინა, როცა მან რუსეთსა და ევრაზიულ კავშირთან მიმართებაში ისაუბრა! ევრაზული კავშირი - ეს რუსეთია! ამიტომ მგონია, რომ აქ რაღაც დიდი წრე იკვრება,“ - ამბობს თაკო ჩარკვიანი.
მისივე თქმით, ახლა ჩვენ ბრძოლის პერიოდი გვაქვს!
„თუ დღეს საქართველომ ევროინტეგრაციის შანსი დაკარგა, ეს შანსი არასოდეს დაუბრუნდება და ეს იქნება არათუ საბედისწერო, არამედ, დამღუპველი და გადამწყვეტი! ამიტომ ყველა ფრთხილად უნდა იყოს და როცა მედიის რყევა მიდის, სახელმწიფოებრივად იაზროვნოს და რაღაც დათმოს!“ - აღნიშნა პუბლიცისტმა და დასძინა, რომ ის ხელისუფლება „იმედის“ დარბევისა და სხვა უბედურებების გამო გავისტუმრეთ.
„ვერ გავიგე, საქართველოში მუშაობს თუ არა ოკუპაციის კანონი? ღირსებას, უბრალოდ, არ ვახსენებ, მაგრამ რას ნიშნავს რუსეთის დღევანდელი პოლიტიკის მიმართ დადებითი აზრის გამოთქმა? - ეს კონსტიტუციის თვალნათლივ დარღვევაა! დიპლომატიას, კი ბატონო, არავინ უარყოფს, მაგრამ ჩვენი ქვეყანა ოკუპირებულია. თოფაძე საქართველოს თავდაცვის მინისტრზე ამბობს, რომ დასაჭერია. ეს სკანდლაური განცხადებაა და ეს შემთხვევითი გგონიათ?! თუ „რესპუბლიკელები“ ახლა უმრავლესობას გაეთიშებიან, ალასანიას ფრთა უკვე გაწიეს და უმაღლეს საკანონმდებლო ორგანოში, რა თქმა უნდა, რუსული ფრთა მომძლავრდება, ვინაიდან ყველამ იცის, რომ „ნაცმოძრაობას“ ხალხის ნდობა დიდი ხანია, დაკარგული აქვს და ხავერდოვნად მივღებთ რუსული ფლანგის პარლამენტს, მაგრამ საქართველო ასე კი არ გადაშენებულა და იგივე უმრავლესობაში ყველა, ბუნებრივია, ღირსებააყრილი კი არ არის, რომ ქვეყანა მტერს ასე გადააბაროს. მე ხმა მივეცი „ქართულ ოცნებას“, მაგრამ არ მგონია, ასეთი მოტყუებული დავრჩე! ერთხელ ვიხუმრე, ახლაც ვიხუმრებ და იმედია, სიტყვა „ეშმაკას“ სხვანაირად არ გაგებენ (თუ ვინმეს აინტერსებს, არც „ნაცმოძრაობას“ ვგულისხმობ): ეშმაკსაც შევეკვრები ჩემი ქვეყნის გამო! საქართველო ერთ ნაბიჯს არ გადადგამს დასავლეთისგან! - არიან საქართველოში ოჯახები, ვინც ამას არ დაუშვებენ! ამიტომ, მოვუწოდებ ხელისუფლებას, ცოტა მეტი ყურადღება დაუთმოს იმ ხალხს პოლიტიკაში, რომელიც დასავლეთისკენ იყურება,“ - განაცხადა თაკო ჩარკვიანმა.
