,,ევროპელი დემოკრატების“ ლიდერი პაატა დავითაია მიიჩნევს, რომ 2016 წლის საპარლამენტო არჩევნების ლეგიტიმურობა ეჭვქვეშ დადგება.
ინერპარტიული ჯგუფის წევრებსა და ვენეციის კომისიის წევრებს შორის გამართული შეხვედრის შემდეგ დავითაიამ განაცხადა, რომ ,,ქართულმა ოცნებამ ვენეციის კომისიას დასკვნისატვის უკვე მიღებული საარჩევნო კოდექსი გადაუგზავნა.
,,ქართულმა ოცნებამ გაუგზავნა მიღებული კოდექსი ვენეციის კომისიას დასკვნისათვის. ასე მუშაობს რუსეთი ვენეციის კომისიასთან - მიღებულზე ხდება კანონპროექტის გაგზავნა. ის, რომ დაიდება შენიშვნები, ამაში ეჭვი არ მეპარება და ასევე კითხვის ნიშნის ქვეშ დადგება არჩევნების ლეგიტიმურობა,“ - განაცხადა პაატა დავითაიამ.
ვენეციის კომისია საქართველოს საარჩევნო კანონმდებლობაში განხორციელებული ცვლილებების შესახებ ექსპერტულ დასკვნას მარტის შუა რიცხვებში გამოაქვეყნებს.
