ირანთან უვიზო მიმოსვლის აღდგენას საქართველოში აშშ-ის ელჩი იან კელი დადებითად აფასებს, მისი თქმით, მნიშვნელოვანია, რომ ირანელებმა თავად იხილონ, თუ რა პროგრესს მიაღწია საქართველომ.
ელჩმა ხაზი გაუსვა, რომ მეორე ტალღის სანქციები ირანთან მიმართებაში მოიხსნა.
"ჩვენი პოზიცია ამ მხრივ ნათელია, ეს გახლავთ საქართველოს სუვერენული გადაწყვეტილება, როგორც თქვენთვის ცნობილია, მეორე ტალღის სანქციები ირანთან მიმართებაში მოიხსნა. საქართევლოს მთავრობა ხედავს ამ საჭიროებას, რომ იყოს დაბალანსებული უსაფრთხოების საკითხი და ამავე დროს ის თემაც, რომ ქვეყანაში შემოვიდეს მეტი თანხა ტურიზმის შედეგად, ამავე დროს მნიშვნელოვანია, რომ ირანელებმა თავად იხილონ, თუ რა პროგრესს მიაღწია საქართველომ, რომელიც წინ დგამს მნიშვნელოვან ნაბიჯებს“, - განაცხადა იან კელიმ.
საქართველოს მიერ ირანისთვის დაწესებული სავიზო რეჟიმი დღეიდან, 15 თებერვლიდან გაუქმდა.
