ბიზნესმენი ლევან ვასაძე აცხადებს, რომ განათლების სამინისტრო ნორმალურ განალებაზე ფულს და რესურსებს არ ხარჯავს. ,,იმედის“ ეთერში მან განაცხადა, რომ ლიბერალიზმი ტრადიციებისგან გათავისიფლებას ასწავლის.
,,ამის ახსნას ვცდილობ თქვენთვის და ის დამკვეთები, რომლებმაც თქვენ ლიბერალიზმი გასწავლათ და აგიხსნეს, რომ უნდა განთავისუფლდეთ მორალისა და ეთიკისგან, ეკლესიისგან და საქართელოს ძველი ტრადიციებისგან და თქვენ მოხვდებით თავისუფლებაშიო. თუ ასე გაგრძელდა, ჩვენი შვილები საუკეთესო შემთხვევაში იქნებიან ოფიციანტები, ღმერთმა დაიფაროს. მე არაფერს ვერჩი ოფიციანტებს, ჩემი შვილიც ოფიციანტად მუშაობდა და არაფერი ცუდი არ არის, მაგრამ მე კიდევ გეუბნებით, რომ ეს არის ყველაფერი ტყუილი და ჩვენთვის მნიშვნელოვანია ნამდვილი განათლება“, - განაცხადა ბიზნესმენმა.
მან ასევე ისაუბრა საკუთარ საქმიანობაზე და აღნიშნა, რომ ,,სიმწრით ნაშოვნი ფულით“ აფინასებს სკოლას.
..სიმწრით რასაც უცხოეთში ფულს ვშოულობ, ჩამომაქვს, რომ ეს სკოლა დავაფინანსო როგორც შემიძლია. მილიონ ლარს ვიხდი წელიწადში თუმცა მახრჩობს და მიჭირს. მშობლებს ვახდევინებ 500-800 ლარს. ამას იმიტომ კი არ გიყვებით, რომ თავი მოგაწონოთ, ეს არის ჩემი ჯვარი, ჩემი ცხოვრება“, - განაცხადა ვასაძემ.
