აზერბაიჯანული კომპანია SOCAR-ი ზამთრის პერიოდში საქართველოში გაზის მიწოდებას გაზრდის. კომპანიის ოფიციალური ინფორმაციით, კომპანიამ „შაჰ დენიზის“ კონსორციუმის წევრებთან მოლაპარაკებები გამართა და მიიღო თანხმობა სეზონური შეზღუდვების გადახედვის შესახებ, რაც შესაძლებლობას იძლევა „შაჰ დენიზიდან“ საქართველოს დამატებით მიეწოდოს ბუნებრივი აირი.
„მიღწეული შეთახმების მიხედვით მხოლოდ ზამთრის პერიოდში საქართველოში გაზის მიწოდება გაიზრდება 50 მილიონი კუბრი მეტრით. ქართული მხარის მომართვის მხარდაჭერა წარმოადგენს აზერბაიჯანსა და საქართველოს შორის კეთილმეზობლური ურთიერთობების კიდევ ერთ ნათელ მაგალითს და ემსახურება უდავო საფუძველს სამომავლოდ ურთიერთსასარგებლო თანამშრომლობისთვის“, - ნათქვამია კომპანიის ოფიციალურ განცხადებაში.
