ფინანსთა მინისტრის ნოდარ ხადურის განცხადებით, იაპონიის განვითარების სააგენტო საქართველოს, გზების მშენებლობისთვის ოთხი მილიარდ 410 მილიონ იაპონურ იენს გამოუყოფს. მინისტრის განმარტებით, თანხა ჩქაროსნული ავტომაგისტრალის ქუთაისის შემოვლითი გზის დასრულებას და სამტრედიამდე გზის გაკეთებას მოხმარდება.
„ჩვენ გვაქვს მოლაპარაკება იაპონიის მთავრობასთან და „ჯაიკასთან“ - ეს არის იაპონიის განვითარების სააგენტო, ოთხი მილიარდ 410 მილიონი იაპონური იენის გამოყოფის შესახებ, დამატებით, რომელიც მოხმარდება ჩქაროსნული ავტომაგისტრალის ქუთაისის შემოვლითი გზის დასრულებას და სამტრედიამდე გზის გაკეთებას. აღნიშნულთან დაკავშირებით ჩვენ გავცვლით ნოტებს იაპონიის მთავრობასთან და ძალიან აქტიურად გავაგრძელებთ მუშაობას“, - განაცხადა ფინასთა მინისრმა.
