საქართველოს ეკონომიკისა და მდგრადი განვითარების მინისტრის ინფორმაციით, მცირე აქციონერებისა და მცირე წილის მფლობელების უფლებების გაუმჯობესების მიზნით, უწყებამ კანონპროექტები შეიმუშავა. დიმიტრი ქუმსიშვილის განცხადებით, ამ მიზნით მთავრობის დღევანდელ სხდომაზე 2 კანონპროექტი იქნა გატანილი.
,,მცირე აქციონერების უფლებები მნიშვნელოვანია ჩვენთვის. შესაბამისად, დღეს 2 კანონპროექტი გამოვიტანეთ. მათი დანერგვა მცირე აქციონერებისა და მცირე წილის მფლობელების უფლებებს გააუმჯობესებს", - განაცხადა ქუმსიშვილმა და დასძინა, რომ აღნიშნული კანონპროექტები ქვეყანაში ბიზნესის კეთების რეიტინგზე დადებითად აისახება.
