საქართველოს ფინანსთა მინისტრის განცხადებით, ბიუჯეტის კორექტირება საგადასახადო კანონმდებლობაში ცვლილებებზე იქნება დამოკიდებული. ნოდარ ხადურმა ასევე აღნიშნა, რომე.წ. ესტონურ მოდელზე გადასვლასთან დაკავშირებით, სამთავრობო უწყებებთან და ბიზნესწრეებთან აქტიური მუშაობა მიმდინარეობს.
მინისტრის განცხადებით, კანონპროექტი საქართველოს მთავრობას და შემდეგ პარლამენტს თებერვლის პირველ ნახევარში წარედგინება.
"სავარაუდოდ, თებერვლის პირველ ნახევარში კანონპროექტი საქართველოს მთავრობას და შემდეგ პარლამენტს წარედგინება. ამის შესაბამისად შემდეგ მოხდება ბიუჯეტის გადახედვა, თუმცა დღეს მოცულობებზე საუბარი ნაადერევია, ვინაიდან ეს ყველაფერი დამოკიდებულია იმაზე, როგორი დიზაინის იქნება, საბოლოო ჯამში, საქართველოს ახალი საგადასახადო კანონმდებლობა და როდიდან შევა ის ძალაში", - აღნიშნა მინისტრმა.
რაც შეეხება ლარის კურსს, ხოდარ ხადური აცხადებს, რომ საკმაოდ ოპტიმისტური განწყობა არსებობს.
,,ლარზე დამატებით დაწოლას არ მოველით. საკმაოდ ოპტიმისტურად ვართ განწყობილები. ამ წუთის მდგომარეობით, ბლუმბერგზე ერთი დოლარის ვაჭრობა 2,46 ლარის კურსით ხდება. ასევე ვალუტის კურსი დაწეულია ვალუტის გადამცვლელ ჯიხურებშიც. მინდა გითხრათ, რომ შიდამაკროეკონომიკური პარამენტრები არ არის შეცვლილი და გაუარესებული. ისევე როგორც ბიუჯეტი და სახაზინო ოპერაციები არ ახდენს დაწოლას გაცვლით კურსზე”, - განაცხადა ფინანსთა მინისტრმა.
