საქართველოს ეროვნულმა ბანკმა ლარის ახალი გაცვლითი კურსი გამოაქვეყნა, რომლის მიხედვითაც ხვალიდან ერთი აშშ დოლარის შესაძენად 2.4694 ლარი იქნება საჭირო. ამ დრომდე არსებული კურსით, ეს ციფრი 2.4445-ს შეადგენდა.
ლარი გაუფასურდა ევროსთან მიმართებაშიც და ხვალიდან ერთი ევროს ღირებულება 2.6766 ლარი იქნება. დღევანდელი კურსით კი მისი ყიდვა 2.6635 ლარად არის შესაძლებელი.
სებ-ის მიერ დადგენილი კურსის პარალელურად, აშშ დოლარის ღირებულება იმატებს კომერციულ ბანკებში, ზოგან 1 აშშ დოლარის ფასი 2.50-ს აჭარბებს.
ცნობილია, რომ ლარის არსებობის ისტორიაში ყველაზე უარესი გაცვლითი კურსი აზიის ფინანსური კრიზისის გამო, 1999 წლის 8 მარტს იყო, როდესაც ერთი აშშ დოლარი 2.45 ლარი ღირდა. 2015 წლის 21 სექტემბერს კი, ერთი ამერიკული დოლარი 2.45-ზე 0.0001 თეთრით ნაკლები ღირდა. შესაბამისად, ლარი დღეს რეკორდულად გაუფასურდა.
