ენერგეტიკის მინისტრმა კახა კალაძემ "გაზპრომთან" დაკავშირებით, პარლამენტში მისვლა გადაიფიქრა. გადაცემა ,,არჩევანში“ მინისტრმა მზადყოფნა გამოთქვა დააკმაყოფილოს ოპოზიციის მოთხოვნა და მივიდეს პარლამენტში აღნიშნულ თემაზე სასაუბროდ.
"თქვენი 2016 წლის 15 იანვრის N256/3-16 წერილის პასუხად, რომელიც ეხება საქართველოს მთავრობასა და სს "გაზპრომს" შორის მიმდინარე მოლაპარაკებებთან დაკავშირებით საპარლამენტო უმცირესობაში შემავალი ფრაქციების 2016 წლის 21 იანვარს დაგეგმილ გაერთიანებულ სხდომაზე საქართველოს ენერგეტიკის მინისტრის დასწრებას, გაცნობებთ, რომ საქართველოს ენერგეტიკის მინისტრი, ბატონი კახა კალაძე, გადატვირთული სამუშაო გრაფიკისა და დაგეგმილი სხვა მნიშვნელოვანი ღონისძიებების გამო, ვერ დაესწრება საქართველოს პარლამენტის საპარლამენტო უმცირესობაში შემავალი ფრაქციების გაერთიანებულ სხდომას", - ნათქვამია "ნაციონალური მოძრაობისთვის" გაგზავნილ წერილში, რომელსაც ხელს მინისტრის მოადგილე ირაკლი ხმალაძე აწერს.
კალაძის საკანონმდებლო ორგანოში მისვლა და აღნიშნული თემის უმცირესობაში შემავალი ფრაქციების გაერთიანებულ სხდომაზე განხილვა "ნაციონალურმა მოძრაობამ" მოითხოვა, რასთან დაკავშირებითაც პარტიამ ენერგეტიკის სამინისტროს 15 იანვარს მიმართა.
