ზუგდიდის შემდეგ ტერიტორიული მთლიანობის აღდგენის საკითხთა შემსწავლელი დროებითი საპარლამენტო კომისია გასვლით სხდომას დღეს გორში გამართავს. ოკუპირებული რეგიონების მიმდებარე ტერიტორიაზე არსებული მდგომარეობა და დევნილთა პრობლემები იქნება მთავარი განსახილველი საკითხები.
კომისიის წევრები შეხვედრებს გორში ადგილობრივ მოსახლეობასთანაც გეგმავენ.
"მნიშვნელოვანი არის კონფლიქტის მიმდებარე ტერიტორიების უსაფრთხოების საკითხები. მნიშვნელოვანია დევნილთა პრობლემატიკა. ერთია როდესაც ოფიციალურ ინფორმაციას ვღებულობთ და ოფიციალური სტრუქტურებიდან და მეორეა როდესაც ადგილზე ვეცნობით რა ხდება სინამდვილეში და როგორ შეიძლება არსებული პრობლემების დაძლევა და რა არის გასაკეთებელი", _ აცხადებს ტერიტორიული მთლიანობის აღდგენის საკითხთა შემსწავლელი დროებითი საპარლამენტო კომისიის თავმჯდომარე შოთა მალაშხია.
