პუტინის პრეს-მდივანს პრეზიდენტის შეცდომაზე განმარტების გაკეთება მოუხდა. ეს მას შემდეგ მოხდა, რაც თავდაცვის სამინისტროს კოლეგიის სხდომაზე პუტინმა განაცხადა, რომ რუსული ავიაცია მხარდაჭერას არამხოლოდ ასადის არმიას, არამედ ოპოზიციურ ძალებსაც უწევს, რომლებიც ისლამური სახელმწიფოს წინააღმდეგ იბრძვიამ. კრემლის ლიდერმა ისიც აღნიშნა, რომ რუსეთი იარაღით არამხოლოდ სახელისუფლო ძალებს, არამედ სირიის თავისუფალ არმიასაც ამარაგებს. მოგვიანებით დიმიტრი პესკოვმა განაცხადა, რომ რუსული იარაღითა და აღჭურვილობით მხოლოდ სირიის ლეგიტიმური ხელისუფლება მარაგდება.
