პარლამენტის ჯანდაცვის კომიტეტის თავმჯდომარე დიმიტრი ხუნდაძე მიიჩნევს, რომ 2016 წლის ბიუჯეტის პროექტთნა მიმართებაში, ოპოზიციის მხრიდან ტყუილ-მართალის ერთმანეთში აღრევა მოხდა.
როგორც დღევანდელ პლენარულ სხდომაზე ხუნდაძემ განაცხადა, ოპოზიცია ამბობს, თითქოს მოსახლეობის 50 % შიმშილობს, რაც სიცრუეა.
„10-12 პროცენტი სიღარიბის ზღვარს ქვემოთ არის და ეს დალხენის უფლებას არვის აძლევს, მაგრამ ხალხო, პარლამენტში ვსხედვართ და არა ხის ძირში, რომ ერთმანეთს ტყუილ-მართალს ვუყვებით. როგორც ჩანს, წინასაარჩევნო კამპანია უკვე დაწყებული გაქვთ და როგორც ყოველთვის მოსახლეობის სიცრუეში შეყვანა გინდათ. სიცრუემ ყოველდღიური ხასიათი მიიღო და გინდათ, მღვრიე წყალში სარგებელი იპოვოთ“, - მიმართა ნაციონალებს ხუნდაძე.
ხუნდაძე ჯანდაცვის საყოველთაო პროგრამაზე ოპოზიციის შეფასებებსაც გამოეხაუმრა და განაცახდა, რომ ეს რეალური პროგრამაა, რომელმაც საყოველთაო საპატიმროები შეცვალა.
შეგახსენებთმ დღეს პარლამენტმა 2016 წლის ბიუჯეტი უნდა დაამტკიცოს.
