ოპოზიციონერი დეპუტატი ზურაბ მელიქიშვილი ფინანსთა მინისტრს, ნოდარ ხადურს ბიუჯეტის პარამეტრებთან დაკავშირებით, უმრავლესობის შეცდომაში შეყვანაში ადანაშაულებს.
როგორც პლენარულ სხდომაზე, 2016 წლის ბიუჯეტის პროექტის განხილვისას, მელიქიშვილმა განაცხადა, უმრავლესობა თავს იწონებს, რომ სახელმწიფო ბიუჯეტი 10 მილიარდ ლარამდე იზრდება.
„ბატონო ნოდარ, თქვენ უმრავლესობის წევრები შეცდომაში შეგყვათ, რადგან თუკი ახლა ბიუჯეტი 10 მილიონამდე იზრდება, ეს დოლარის კურსზე რომ გადაიყვანოთ, 4 მილიარდი დოლარია. თუკი ამ მონაცემებს გასულ წლებთან შეადარებთ, ნახავთ, რომ წინა წლების ბიუჯეტი 4 მილიარდ 800 მილიონი დოლარი იყო, ანუ, ბიუჯეტი 700 მილიონით მცირდება“, - მიმართა ხადურს მელიქიშვილმა.
ამ წუთებში, პარლამენტში ბიუჯეტის პროექტზე მსჯელობენ, რომელსაც პარლამენტი დღეს დაამტკიცებს.
